أنا بنزل الموضوع عشان اللي قالوا اني أنا خوااافه

خليكم تعرفوون اني صدق موب خواافه

المهــــــــم ترى القصه حقيقيه وصارت لي أنا شخصيا ""الحلم المساافر""وأنا من أبطالها وهي قصه حرامي خقيت عليه

المهم القصه وهي

مره انا كنت سهراانه وتجي أمي قالت لي نامي يا بنيتي ما يصلح تسهرين وزي كذا <<وترى كنا في يوم خميس

انا لأنني بنت مطيعه<<كثري منها

ما حبيت اجرح مشاعر امي قلت لها طيب ورحت انسدحت في فراشي

ومن يوم دخلت امي غرفتها انا قمت من السرير بســـــرعه وفتحت اللاب تووب و أدخل المسن والله وألقى سبعه متصليين قلت أنوآآع الفله على الفجر وأجمع ثلاثه بمحادثه جماعيه وواحد بالمايك

والباقي عاادي واللي ما ابيه صكيته بلووك

الزبده وبعد مرور ثلاث ساعات لاحظووا ثلاث ساعاات الا وحسيت بالجووع قلت انزل المطبخ تحت ادوور لي شي أكله وقلت للي بالمسن برب ونزلت

وللمعلوميه كانت الساعه اربعه الفجر مافيه الا انا بالبيت واعيه

1\\\\\\\\\\\\\\\\امي وأبوي نايمين

2\\\\\\\\\\\\\\\\ الشغالات نايمات

3\\\\\\\\\\\\\\\\ أخوي الكبير اتصل علي الساعه وحده وقالي تراني بتأخر اليووم منب جاي الا على أذان الفجر

4\\\\\\\\\\\\\\\\ أخواني الصغاار كلهم نايمين

يعني انا الوحييده في البيت

المهم والله وانزل المطبخ على نيااتي انا والنعاال اللي علي لوونها زهري وحركاات والمشكله لابسه برموودا وكم قصير يعني مأخذه راحتي في البيت

وانزل احووس بالمطبخ وأكلت وشربت ولعبت وكل شي الحمد لله قلت يلا برووح فووق اشووف لي فلم رعب والا شي

والله وانا على الدرج وشايله الصينيه الا اسمع أصواات رجااال تجي من الحوووش

انا صرت صنم واقفه بمكااني وصارت الافكاار تراودني وأقوول بقلبي من ذولاء الرجااال وش جاابهم وشلون دخلووا انهبلت مدري وش اسوي

خفت ادق على ابوي اقوومه يقوولي وش تسويين ما نمتي للحين وان قومت احد اخواني الصغاار ما يقدروون يسوون شي عاد انا قلت والله مالي الا ارقى وماكاني سمعت شي

لكن يوم جيت ارقى الدرج وتقرب الاصواات المشكله كانوا يتكلموون بصووت خفيف يعني باااين انهم خايفين احد يسمعهم

لكن انا سمعتهم واسمع خطوااتهم تقرب للباب وأنا قدااام الباب مبااشره وأرووح اركض ادخل المطبخ اتغبى تحت الطااوله ودخلووا علي والله ترى القصه صدقيه

انا يووم دخلووا قلت خلاص رحت فيها وكنت تحت الطاوله اقرى وردي وفي قمه الخووف والمشكله ما أشووف الا رجوووولهم

ويدخلوون ويفتحوون الثلاجه<<جوعانين الاخوان

واسمعهم يقولون قل للشباب يجهزوون العفش

انا قلت وش ناويين ذولاء والله اني شوي وأمووت من الخوووف لكن الحمد لله طلعووا الحوووش

جيت انا قلت ويييين حراميه داخلين بيتنا وأخليهم وأرووح أدق على أخووي <<الله يخليه لنا

لكن ما رد

قلت خلاص الحين بتصرف وأتدبر أمري أنا أعرف أدبر نفسي

والله وأخذ المكنسه واطلع من السييب<<يعني الحوش من ورى ومعي المكنسه <<جاك المووت يا تارك الصلاه

وأرووح أمشى بخطواات هااديه عشاان ما يسمعووني الحراميه وأشووفهم فاتحين الخيمه<<والله يمونون

وامشى الا والقى ذاك الحرامي اللي واقف قداامي قابلته وجها لوجه وانا ماسكه المكنسه

هو وقف قاعد يطاالع فيني مدري وش يقز

وأنا والله خقييت عليه

بكل صرااحه كان حراامي مزيووووووووووون

وجلست أطالع فيه وهو يطالع فيني<<قمه الروومنسيه

والله انا خفت مدري وش اسوي المشكله كان حرامي هادي يعني ما سوى شي بس يطاالع فيني

واجي الله يسلمكم وقلت حاان وقت الشجااعه وأرمي عليه نعااال وانحااااش بأسرع ما عندي

هههههههههههههههههههههههههه

صدق روومنسيه بالنعااااال

وأرووح جيت ادخل والقى الباب مسكر والمشكله الباب اللي طلعت منه ما ينفتح الا بس من جوى يعني زي باب الشارع

واذا جيت ادخل من الباب الرئيسي لازم أمر من عند الخييمه

يعني خلاص رحت فيهاا وخفت قلت والله مالي الا اني امر من قداام الحراميه اللي بالخيمه لأنه بكل الحالتين خويهم ذا اللي طقيته يبي يعلمهم

وأرووح وأنا أركـــــــــض وشوي الا يجي ذا الحرامي اللي طقيته بالنعاال يناديني يقوول يا بنت وانا اركض بعدين قال خوذي نعاالك<<حرامي مؤدب

وأنا أركض قلت وش يبي ذا يا أنه حبني ورحمني والا انه يبيني أجيه عشان يخطفني<<الله على التفكير

وأرووح واركض من قداام الخيمه عند الحراميه البااقين والله اني من الخووف اركض ولا التفت عليهم أبد واسمعهم يضحكوووون

وأدخل البيت وأقفل الباب وأدخل الحمام علطووول من الخوووف

بعدين يوم طلعت قلت والله ما اخليهم يتهنووون وأرووح ادق على اخووي يقول جواله مقفل أنا خفت قلت يمكن شافوه وسرقوون وقفلووا جواله<<متأثره بالافلام

المهم قلت اذا اخوي موموجود انا موجوده<<احلى يا سوبر مان

وارووح بنذاالتي وأسكر الكهربااء حنابيتنا يمديكم تسكروونه بمفاتيح على الجدار انا قعدت ادوور وين المفتحااح حق الخيمه وجربتها كلها لين لقيته وقفلت عليهم

بعدين يجوون والله قعدووا يطقووون الباب اشووف ظلهم والله واخاف قلت وش يبوون ذولاء وأجي أبيهم يخاافون وأرمي صحن على الارض عشان اذا سمعووه يحسبونه ابوي ويخافوون

بعدين راحووا الحمد لله خافووا مني لكن بعد خمس دقاايق ويرنون الجرس<<يمونون والله

انا يوم شفت الموضوع وصل لكذا قلت خلاص حدودهم <<بس انا كنت خاايفه على الحرامي اللي خقيت عليه

اقوولكم ليش خقيت صرااحه او لامزيوون

شعره طويل لكن مو مره ونااعم وأنا أحب ذا النووع

وكان اسمر وعيووونه حلووه

ونحيف وطوويل

ماشاء الله الله يحفظه لأهله بس لو انه موب حراامي

المهم وأرووح ارد عليهم ما قلت مين ولا شي علطوول قلت ترى ابوي موجود وصكيت السمااعه عليهم

وياليتهم خاافو ا صارووا يرنون الجرس مره ثاانيه واجي وأقووول تحلموون افتح لكم والله أتصل على الشرطه<<اهدد

وبعد شوي الا يرن التلفووون قلت اكيد اخوي رحت ارد لقيت الرقم غريب قلت ماأبي ارد

ورقم غريب بعد قلت برد اشووف شسالفه ورديت قلت نعم طلع أخوي قالي افتحي باب البيت قلت له فيه رجاال بالخيمه مدري مين ودخلووا المطبخ جاء قاطع كلامي

وقالي افتحي لي الباب بعدين قولي لي قصه حياتك قلت طيب

نزلت فتحت له الباب والله من الفرحه بغيت اخمه قلت له ترى فيه رجاال جو بيتنا رنو الجرس انا ما فتحت ودخلووا المطبخ

بعدين قعد يضحك قلت وشفيك قالي يا غبيه ذولاء اصدقاااي قالي اني يوم طلعت من النادي عزمتهم لكن حسبتك ناايمه قلت لهم اقعدووا بالخيمه ورحت انا واثني من الشباب نجيب عشاء

انا قعدت اضحك على نفسي قلت يعني الحين فهمت ليش دخلووا المطبخ عشاان يجيبوون سفره وملاعق وكذا

لكن انا تفشلت من ذااك اللي رميت عليه نعاالي لاوكملتها رحت اركض قداامهك انا ووجهي والله فشـــــــــيله

لكن بعدين قلت لأخوي عطني من اللي جبتووه تراني جووعانه قال طيب واخذ صينيه وحط لي وجاابه لكن والله لو يدري اني مريت من قداامهم وأركض بعد انا وملابسي والله يذبحني

عاد يوم تعشووا جاء عندي وانا قاعده على النت قالي سويلنا شااهي تكفين قلت طيب<<أنا حنونه

وسويت لهم بعدين قعدت على النت ويوم جيت انام ما قدرت انام مدري ليش بس اتقلب ما جاني النووم

بعدين خطرت في بالي فكره خطيييره وارووح نزلت تحت ورحت ورى الخيمه قعدت ومعي اللاب توب قعدت اسمع سواليفهم وهم ما يدروون

بعدين ملييت من زين السوااليف رحت فووق قعدت شوي ونمت

ومن بكرا الصبح كان ضميري يؤنبني رحت قلت لأخوي من اللي جو عندنا امس قلي اسماائهم كلهم <<ودي ادري منهو ذاك اللي كان يكلم بالتلفوون اللي رميت عليه نعالي

جاء قالي اخووي وش دخلك فيهم بعدين هم واجد مو واحد والا اثنين تبين اعددج اسماءهم كلهم

قلت انا طيب هذاك اللي كان لابس اسوود وجنز وشعره طوويل مين

قالي اي واحد فيه ثلاثه لابسين اسوود<<يا عيني عاد انا يعجبني الولد اللي يلبس اسوود

قلت له مدري قالي طيب هو ابيض او اسمر

قلت لا اسمر وسمااره حلوو

قالي ايه هذا محمد ليش وش تبين فيه قلت لا بس يشبه صديقتي<؛بسم الله عليه

صرفتهاا لكن غريبه ما سألني كيف شفتييه يمكن هم قالوا له اني مريت من عندهم وسكرت الكهربااء ورميت النعاال

لاما اتووقع قالوا له اني مريت اركض من قداامهم لانهم لو قالوا ذبحني

وحتــــــــــــــــــــــــــــتوته حتــــــــــــــتتتتوته خلصت القصه وترى كل اللي قلته صدق وصار لي شخصياا وفي بيتنا وفي الرياض وحي الملك فهد اللي عند حياة مول وصحاارى

ما بقى الا اعلمكم الحااره

عاد الحمد لله مر ذاك اليووم على خير وأكتشفت اني بنت شجاااعه وانا حطيت الموضوع عشان فيه نااس دايم يقولون لي انتي خوافه ومدري كيف

فهذا دليل اني شجااعه<<كثري منها الله يخلي النعاال بس

والحراامي اللي خقيت عليه طلع صديق اخووي

وأسفه اذا طوولت عليكم لكن كنت طفشاانه قلت اطلع اللي بقلبي

وحلفتكم محد يقرى الا وهو رااد على الموضوع

ترى تعبت عليه مررره وما أبي تقولون يسلمووا وشكرا لا

أبي رد فيه تعليق وفلسفه زي ما تفلسفت انا وقلت كل شي بالتفصييل